طبعا البوست مش للي بي**م مصر و عايز يخلع باي طريقه الكلام دا للشخص الي على الاقل شايف أنه عنده بلد محتاج يزعل عليها زي اي حد

انا قرفت من حاجه اسمها مصريين على السوشيال ميديا

بتشوف مثلا فيديو على التيك توك منزل الريس مثلا او أن قد ايه مصر جميله و عندما حضارة و كدا يعني تمام ، فا تلاقي واحد مش مصري جاي يقلل فا طبعا احنا نسكت لا طبعا نعوم على عومه و نقول احنا فينا و فينا طب ياعم ليه ؟ ليه تزيط في الزيطه خلي عندك شويه دم

و لما حد يدافع يقولوا عليه مرشد أو حاجه زي كدا ، ياعم ماشي تقول كدا لو هو بيطبل انا مش بقولك طبل بقولك متعومش على عوم حد .

طب ما دا لو حد تاني من جنسيه تانيه اتكلم على بلده نص كلمه من واحد مش من نفس الجنسيه بتاعته بيقفوا له على الكلمه و أنت ازاي تغلط علينا و ازاي و ازاي

احنا ليه بنقف مع الغريب علينا مش ، طب ياعم بينا و بين نفسنا اشطا نتكلم و نشتم و ننتقد بس ياخي لما تلاقي واحد بيزيط وقفه عند حده

دا حتى كمية الدونيه لما تلاقي بنت اجنبيه أو ولد اجنبي وتلاقي ولد او بنت مصريه طالعين زي الخازوق في التعليقات و تلاقي الاسم مكتوب عليه الاسم و جمبه العلم علشان تعرفوا اني مصري و بيقول

Hello I’m from Egypt can we be together

ياعم ايه القرف دا مش كدا

دا طبعا على التيك توك و الانستا الكلام المقرف دا

و اخيرا تاني بقولها متعومش على عوم حد الشخص الي واقف معاه على بلدك مش هينفعك بحاجه اصلا يعني مش هيبعتلك الجنسيه أو صندوق تموين و نخلينا عارفين أن الدنيا دلوقتي مفتوحه على بعض يعني اي حاجه بتعملها وارد جدا أن حد مش مصري يتأثر بيها و يفهم فهم خاطئ عننا