أنا عملت فيديو وثائقي عن أهم محطات ثورة يناير في فترة ال١٨ يوم بداية من دعوة بيدچ “كلنا خالد سعيد” للنزول يوم ٢٥ يناير، وأهم الأحداث اللي ودتنا لـ ٢٥ يناير.
للأسف انا مش بقدر أخد رأي ناس أعرفهم في الحقيقة لأني مش مشارك القناة مع حد أعرفه، حفاظا على أماني الشخصي وأمانه هو كمان.
وعشان كدة كنت محتاج مساعدة من حد يكون مهتم بثورة يناير ولو فيه حد عاصر الأحداث يقولي رأيه، خاصة أن الأحداث ديه أنا معاصرتهاش ومعرفتي عنها كان من حكايات أصدقاء أكبر مني سنًا والريسيرش اللي عملته أثناء تحضير الحلقة.
وهكون سعيد لو انت يوتيوبر أو عندك خبرة في صناعة المحتوى وقولتلي رأيك من الناحية التقنية في الفيديو أو لو عندك تعليقات أو ملحوظات تساعدني بيها. ❤️
الفيديو مدته ١٧ دقيقة ٩٥٪ منه مشاهد من الثورة نفسها يوم بيوم.
ده رابط الفيديو: https://youtu.be/DatlZNXrRA0
وهستنى رأيك في التعليقات ❤️
Leave a Reply