كنت بقلب ففيديوهات للناس فالميدان ولفتتني الجملة دي بالذات عشان سمعناها كتير من الناس الي بتقولها على السيسي وفنفس الوقت نفسها مبارك يرجع

بالتالي ده بيدل إن مفيش المبدأ نفسه يعني لو أنت راضي بفساد مبارك فبعد سنين أنت نفس الشخص الي هتقول يوم من أيامك يا سيسي وهنفضل فدوامة العبودية دي عشان الناس بتنسى

فياريت بلاش جملة يوم من أيامك يا مبارك عشان بتضيع تعب الناس وأرواح الشهداء وحتى لو حالنا دلوقتي بقى أسوء فهي مكنتش غلطة الناس فالآخر الثورة الي تم سرقتها

ولو مبارك اصلا كمل فكنا فالغالب هنوصل لنفس الحال أو قريب منه كلها كانت مسألة وقت عشان السهم فالأساس فالنازل والفساد نفسه موجود

ومننساش طبعا إن الاتنين حكم عسكري ديكتاتوري فأنت لو بتدافع عن مبارك فبالتالي بتدافع عن السيسي